الطرشجى
طرشى طرشى والطعم جنان والرزق علي الخالق المنان
طرشى واحلي من البغاشة موجودعلى سفرة الهانم والباشا
طرشى وطرشى والطعم جنان وكل صنف موجود بالدكان
بصل ولفت وبنجر وخيار ولمون معصفر والفلفل وبدنجان
زيتون اخضرمحبش وزيتون اسود سيناوى وسيوى كمان
ابيع بالكيلو والنص والربع كيلو وشويه بنص الجنيه للغلبان 
بدكانى فجرى ساعى علي رزقى بدرى فى الكريم عشمان
طرشى طرشى والطعم جنان والرزق علي رب كريم حنان
طرشى واحلي من البغاشة موجود علي سفرة الهانم والباشا
تعالي دوق بالمجانى حتقول ده جاتوه مش طرشى هات تانى
ابويا صنايعى ربانى وبسرالصنعه خلانى اسطى ولاالحلوانى
طرشجى يا باشا من يومى ده طرشى بلدى وطرشى سلطانى
طرشى مرصوص علي الصوانى طالع من البرميل من ثوانى
حامى وبارد يا تهانى ولوخلص اللي قدامى حاجيب من دكانى
طرشى طرشى والطعم جنان والرزق علي رب كريم حنان
طرشى يا احلي من البغاشة موجودعلي سفرة الهانم والباشا 
محمد ابو الفتح