بحبك ..
إزاى أوصف عشقي وهوايا .... وشوق .. مشتاق يﻻقيكي
كلمة بحبك .. مش كفايه .... و ﻻسنيني حتى .. تكفيكي
ولو قلت مش هاقدر .. مهما أحكي أو أعبر .. مكتوب ومتقدر
أعشق وأدوب ف عينيكي

بحبك ..
كلمه بتتغنى .. وبتحلم بالجنه .. وحروفها بتتمنى
ترسى ف كفوف أياديكي
من قلبي بتندهلك ..بتقول على مهلك .. مين ده اللى يستاهلك
غير عاشق .. بشوق يناديكي
بتنطق .. توصفلك .. ده أنا قلبى موصوفلك .. بحنينه يرصفلك
سكة هنا .. لخطاويكي

بحبك ..
وباشوفك قدامي .. ف منامي وأحﻻمي .. يا سعد أيامي
ده العمر .. شويه عليكي
ف صباحي وانا صاحي .. يابلسم لجراحي .. حريتي وسراحي
باعيشهم ف أسر عينيكي
ده كله وفيه أكتر .. وأنا قلت مش هاقدر .. اللى قلته مش أكتر
غير .. كلمه ياريت تراضيكي ......" ب... ح ... ب ... ك "