بنادي ولادي علي الوادي 
في وسط الخلق انا الموجوع يا ولادي
وتوبي انشق انا المكسور مش قادر
اقول الحق وشايف وجوه بتسكني
ماليها الصدق وشايف وجوه بتقتلني
وفيها الكدب اعيش ازاي وانا خايف
وحتى مصيري مش عارف
وسكناني وجوه زايفة ماليها الحقد
ولادي كانوا بينادوا على اسمي
وخايفين الجبان يلمس تراب جسمي
لكن ايد الجبان طايلة قتل ابني برصاص الغدر
وانا شايف بعيني الدم نازل يصرخ في ليل الهم
واحلامي واحزاني وكل ما في متهدد
ومش قادر اقول الحق انا الموجوع من يومي
انا الموصول بهمومي بقوم مفزوع من نومي
بصوت الخلق