وب أحلم .. 

وب أحلم بيكي قمراية

في ليلة شوق وسهراية

ومن نورك يزيد  النور

يا أول حب جوايا

أبات مجروح  يهون البوح

ياعشق الروح يانجماية

بقلب جسور هـ اعدي بحور

فِدا ترابك فِدا هوايا

وبحلم بيكي نبض حياة

ويحكي لعمرنا حكاية

حكاية عشق للسمرا

سكن سكني وضلاية

أزيح عنك طريق الآه

وأشوفك نجمة في سمايا

وبحلم يوم تشقي طريق

علي كتافي وأكون صابر

أذانك ويا أجراسك

بصوت مسموع كده نجاهر

مسيحي ومسلم إخواتي

ياست الكل حراسك

يامصر الضي لعيوني

يانسمه حب لجفوني

ومهما الجرح يجرحني

تهون الروح ولاتهوني