(( شكــوى ))
~*~*~*~*~
أشكو إليك يارب
ضعفي هواني
الشعر شاب واشتعل
والأجل داني ..
والقلب بين الضلوع
م الحزن بيعاني
ولسة طول الأمل
والحرص ماليني
إلهي أشكو إليك
من نفسي وشيطاني
وكل ماأرجع ليك
يغووني من تاني
واللي رماني بعيد
ذنبي وعصياني
سكبت دمع الندم
وبحور ماتكفيني
ياحي ياقيوم
حاشاك تنساني
يارب يشفع لي عندك
ذلي ودموع عيني
وكلمة التوحيد
في قلبي ولساني
وإني لغير وجهك
ماإنحنى جبيني
وحياة حبيبك محمد
تكرمني وتعطيني
وفي جناب رحمتك
ترحمني وتأويني
ياعاطي ياوهاب
عن الأغيار إغنيني
وتوب عليّ يارب
توبة تنجيني ..
وصلي على الهادي
شفيعي ونور عيني
~*~*~*~*~*~*~
