و فجأه لقيتها سيباني !!!!!
لقيت روحي مخصماني ..
و نازله لوحدها القهوة ..
خطفت هدومى علي سهوة ..
و قولت أنزل أوام .. لتغيب !!!!
لقيت روحي بتبعدني ..
و بتقولي هنتفارق من الليله ..
و هبقي لوحدي يا حليله ..
و سيب و أنا أسيب ...
مانش عايزاك مانش طيقاك ..
كفايه العمر دا وياك ..
ليه ديما معذبني ..
انت بالجسد تهدم .. 
و أنا ببني ..
هروح أسكن جسد غيرك ..
خلاص هبعد خلاص هنساك ..
قولت الناس هتتفرج ..
علينا تعالي نتصالح ..
بدور دومينو .. بدور طاوله ؟
قولت أعزمها ع المشاريب ..
ساعات روحي بتغلبني ..
ساعات روحي بتتعبني ..
ساعات روحي تروح و تغيب .. 
ساعات تكون عدو و حبيب ..
و ترجع ليا بعد غياب ..
تقولي مفيش جسد قابل ..
نكون واحد نكون أحباب ..
لقيت عيل و بينادي ..
بصوت هادي ..
ورق يناصييييييب ..
سرح عقلي بشكل عجيب ..
مع المكسب مع الألعيب
لقيت روحي بتزغرلي ..
و بتقولي خلاص هتخيب ؟
جبت م الورق خمسه ..
جايز حظي يصفالي ..
و أتصالح مع حالي ..
قالت روحي ههههه 
تعيش و تجيب ..
قولت ياله نتصالح ..
قالتلي لا هنتفارق ..
و سبني و يا تفكيري ..
مفيش ليكي جسد غيري ..
مفيش غيرك لجسدي طبيب ..
قالت نرجع لكن بشروط ..
ما تدخلش قصص تاني ..
تفكر فيا متفكرش تنساني ..
م تحبسنيش في قلب تابوت ..
تسبني أعيش مع ربي ..
تسبني سارحه في الملكوت ..
أنا تعبانة م الدنيا ..
نفسي أفرح و لو ثانية ...
أنا و الله نفسي أموت ..
أنا و الله نفسي أرحل أوام و أغيب ..
نفسي الدين يكون منك و مني قريب ..
ياله معايا هنروح ..
فقوم حاسب علي المشاريب ..