زمان كنا نتجمع حوالين صينيه العشا
أناوأمى وأبويا وأخويا كمان أختى رشا
شايف فى عيون ابويافرحة باللمة وبالصفا
وحاسس بحضن امى جامعنا كلنا بحب ودفا
اكلة بسيطة خالص حاجه عاديه مش متكلفة
جرجير وفول وبصارة وطرشى وشويةارغفة
بس قلوب وكانت صافية بتاكل بكل هنا وشفا
ووابورالجازقايد وجنبه قطة نايمة علينا مولفة
أخويا يشد ديلها تجرى نضحك بسعادة وفرفشة
وأختى تعاكس أخوياوتردعليهاامى بنظرة ملطفة
والكل متهنى راضى ولاحدقال مرة عيشه ومقرفة
أيام وراحت وبدلها جت علينا أيام ملهاش صفة
القلوب بقت سودا والوشوش من الهم مكرمشة
يرحم أيام زمان ويصبرنا على اللى راح واختفى
