الكل علي امره مغلوب
ماهي دنيا وماشية بالمقلوب
فيها اللي نفرشله الأرض جنة
وفيها اللي نحدفه بالطوب
خلاص زهقنا من العيشة
امتي الحياة تبقي لطيفة!!
لافيها غل ولاحتي حقد
ولاناس منافقة وشريرة
كلنا راضيين بالقسمة وبالمكتوب
وبندعي ربنا علينا يتوب
من المعاصي ومن الذنوب
والقلوب اللي مليانة طيبة
ربنا علي قد نيتها يديها
انا نفسي ولو ثانية افرح
بقالي سنين في الهموم بسرح
مقبلش علي نفسي قرش حرام
واخاف اظلم او اجرح
ببتسم وفي قلبي هموم
وعشان ساكت وتملي كتوم
كله بيجيب عليه اللوم
مباقيتش ادوق انا طعم النوم
صابر وعامل نفسي سعيد
وانا من السعادة محروم
الدنيا دي مش عايز اشوفها
كتير عشت في متاعبها
ألوم نفسي ولا ألومها
علي ايه ممكن احاسبها؟!
مابكره مسيري افارقها
بصراحة مش فاكر خيرها
من كتر ماغرقت في همومها
بقيت ناسي حلاوتها
عيوني محبوس فيها دموعها
ياسلام لو كنت اعمي
مبشوفش الناس وغباوتها
كانت الحياة هتبقي احلي
كنت هتنعم في جنتها
مع ان عينيه مفتحها
وبخاف لما بقفلها
بضحك للدنيا وبعاندها
