على باب السيدة
الوف كتيرة متمددة
ووشوش كتيرة
من الهم متنكدة
عليها تجاعيد كبيرة
باكية ومحمرقة
وبطون من الجوع متوعكة
وأجساد عرايا
تناجى رب البرايا
بيها الامراض متمكنة
وعيال غلابة
تايهة منها البرائة
والعيون باكية ومدمعة
أجساد نحيفة
والروح كأنها رايحة ومودعة
عيال نبيهة
لكن الهموم جواها متكلمة
وشوشها حزينة
لكن الشفايف متبسمة
,,,,,,,,,,,,,,,,,,,,,,,,,,,,,,,,,,,,,,,
وأم باكية
وراها صوت معددة
تعدد على الايام
اللى جرى فيها
واللى كان
وأعمار من رب الكون متحددة
لا منها مهرب
ولا تمنعها قصور متشيدة
,,,,,,,,,,,,,,,,,,,,,,,,,,,,,,,,,,,,,,
على باب السيدة
ناس تانية
ماسكة فى الدنيا ومتشددة
لا صابها جوع
ولا راحتها متململة
لا بيها خشوع ولا ركوع
والدنيا منها متمكنة
توهة وتايهة بيها
والعيون الضباب مغطيها
والنفوس مريضة
وعلى الخلق متكبرة
سارحة الدنيا بيها
لا حاسبة اخرتها
ولا بيها مسترشدة
على باب السيدة
ابو العبادى
