الفقير 
""""""
يا فقر حاجي تدقّ عا بابي 
خايف توعّي هَمّ سرسابي 
بابي ما عندو قفل او مفتاح 
ولا خرزة الزرقا على عتابي
ما ضلّ بالمعجن ولا مشطاح
من البيت فللّو كل اصحابي
لو ما انا عايش بسبع رواح 
ولو ما انا مهدّى باٰعصابي
ما كان فجري عا بوابي لاح
والموت كان بيعمل حسابي
سمعت صوت وفكّرت برتاح 
يمكن اليوم يكون ايجابي 
بلكي الاٰمل راجع بعد ما راح 
وجامع خيوط الخير شرّابي
فتّشت ما خلّيت زاوي وناح
وسكتّت صوت الريح تا اٰسمع 
ما سمعت الاّ صَفْرة جيابي 
عادل بدّور