انشودة حياة
55
شاعر يجنن
3/10/2017
حوارية شاعر مع نفسه
~~
الفن عندك مش عندي
اكتب سمعني يا افندي
لاقيته قال لى مش قايل
ضحكت وقولت له هايل
بختك كده دايما ماااايل
ادعى ربك تلقاه يحنن
***************
اكتب بقى يالله ياسيدى
ورقة وقلم ماسكين أيدي
والرغبه شايفها ملحه
ربى يعطيك الصحه
عايزنى اضحك اضحكلك
تلاقى شكلى هو شكلك
شباب انت وتجنن
☆☆☆☆
اكتب بقى لما تلاقي
افكار جديدة والباقى
همزات كسرات فرحى ودائى
اجننك وتتجنن
شاعر مجنون
وتجنن
*************
اكتب ورينا يا معلم
أمتى الورق بيتكلم
اوقات نلقاها بترقص
وكتير صفرا بتتألم
اوقات صبيه لهلوبه
اوقات عجوزه كركوبه
واوقات صغيره بتسنن
شاعر مجنون بس تجنن
*****************
اكتب بقى مش حتحايل
اما عليك والله  عمايل
عايز امسكك ومش طايل
اكتب  وكملها جمايل
اكتب تلاقينى اضحكلك
ماتكتب هوانا حكلك
عايز اسمع فن يفنن
شاعر مجنون وبتجنن