خالديات...
مشغول بالي ترجعي شي نهار
وخريغ العمر غفيان بي بالي
وسنين عمري محردبي وختيار
محّت شبابي معكّز على خيالي
.........     .........    ..........  ........
وانطرك هونيك مطرح ما طيفك غاب
وعيون شحّت تغفى على الذكرى
مأمّل ترجعي بهلعمر بعد غياب
واضحك ع حالي بلكي بتجي بكرى
........     ..........    .........  ........
واكتب قصيدة حروفها إلكي
شاعر مرق من هون فل وراح
بكرى بشي زمن طلّيت بلكي
ع فرشة النسيان اقعد وارتاح
..........      ..........      .............
اذا غواكِ الغيب تمرقي من هون
تسألي الماضي يدللك على الرجعة
فالش قصيدة بارمة هل كون
تفتّش عليكِ حبرها دمعة
.........      .........   ............  ....