أنشودة الحياة
(52)
بقلمى
سمير الجمل
القاهرة
الثلاثاء
5/9/2017
(لعبة الكراسى)
ح احكى حكايه...كنا تلاته
اايام ما كنا مع بعض نحبى
جيل اصحاب دا احلى جيلنا
قعدنا حبه مع بعض نحكى
كان ساعتها مزاجى صاحى
قولت :ل (ضاحى) 
تعالى جنبى
قال مش قادر اقوم برجلى
ايه ياجماعه وجهة نظركم
على بيحصل واللى بيجرى
عارف انت  كمان وراسى
دى ارجوزات ولعب كراسي 
كلام معسول يروى النفوس
وجيوب جعانه للم الفلوس
ياولاد انافاهم والحال مصهلل
واللى معاه فلوس  يشخلل
احنا بصراحه شعب سماحه
بس الديابه عملوها غابه
والغلابه غناهم مناحه
وحياة ابوكم مانقصين وقاحه
فين (حمدان)..؟
 روحت فين انت كمان!!!؟
الناس دلوقتى ولا زمان؟
اتنحنح وملا بوقه بكام تنهيده
والله ياسمره كان يامكان
حرام علينا بقى بايدنا
نولى اهل الفسق فينا
بايدنا نحوش
 هجوم جحوش
على اصواتنا وعلى اهلينا
وانت يافكرى: ايه احوالك!!!؟
قال اناحامد ريى وشاكر
ومن انهارده وكل باكر
لازم ضرورى ضرورى لازم
اكون حويط كتير وحازم
مش كل واحد ببدله سوده
قاعد فى فيلا ف اكبر اوده
واليوم التانى يجى مكانى
يخطب ولابس بدله رصاصى
يسلم علينا كمان بشدة
ويهز ثقتنا فى ايام عدة
ولم يقعد يوصل ويصعد
تلقاه رافض تلقاه عاصي
تلقاه جاحد اوى وقاسي
ولم اروح عنده و اجرى
ان فى شارعنا يهد
يبنى
اتربى فيه هو وابنى
يقولى طلبك 
مش من اختصاصى
اهلا اهلا عم خليفه
مرحب مرحب باحلى شباب
كنت معدى امام الباب
شوفت الصحبه والتوليفه
قلت اقعد قاعده خفيفه
ايه اخباركم
قلت تعالى شوف تصريفه
اوعى تقولى عن الانتخابات
هم وغم فيه بنبات
بيبيعوا خطب ويا شعارات
زى الرطب وبلح امهات
وتلقى حوادث وكمان
اموات
خلاص انا قايم
ومن سكات
وقعدت وحدى
كتير باسى
وجعت قلبى
وتعبت راسى
خلاص مليت من الكراسى
(تحياتى لكل قرائى الاعزاء فى انتظار تعليقاتكم وردودكم )