تحيا مصر بينا احنا
بكل ايد حفرت تاريخها
ب اللي حارب واللي باع
كل راحة في سابيلها
تحيا مصر بينا احنا
تحيا مصر عزه وكرامة
بكل مصري ف كل حارة
بالشقاينين التعبانين
واللي عايشين فعلا غلابة
تحيا مصر بينا احنا
تحيا مصر مش ب الكلام
تحيا مصر ب العلام
تحيا مصر بكل طفل
يشق صخر لجل الشهادة
تحيا مصر بينا احنا
تحيا مصر بكل عامل
ف الشوارع والمصانع
تحيا مصر المطحونين
والغارقنين ف الهم هما
تحيا مصر بينا احنا
تحيا مصر مش باللعيبه
ولا كل راس تافهه وغريبة
ولا كوسه سارية ومحسوبيه
ولا عنجهية او وساطه
تحيا مصر بينا احنا
تحيا مصر مش بالكراسي
ولا كل واحد فوق وناسي
ان لولا الطيبين
ما كانش كان ف مكانه راسي
تحيا مصر بينا احنا
كلمات / #سامى_محمود_حنفى