ممنوع من الخيال 
وكأن لحظه شوق حرام 
وحديث طويل 
يبدا بكلمه بعشقك 
يخلص 
يا ريت ننسي الكلام 
حبيب تايه باشواقه 
حزين قافل عليه بابه 
ومتقيد عن الاحلام 
سألته حبيبي 
ليه حيران ومتحير؟ ؟؟
قافل روحك على روحك 
دا لو دورت فى جروحك 
تلاقى لقانا متغرب 
وليله حزين 
مفيش ولا نجم 
ليه قرب 
كأن الشوق 
بقى خطيه 
وحتى الحلم متقيد 
نجى نهرب 
نلاقى الخوف
نجى نعشق 
يقولوا ظروف 
نجى ننسي 
ونتفارق 
نلاقى الشوووق 
مدوبنا ولسه 
يا عيني بيحارب 
بقلمى 
انتصار السعيد