انشودة الحياه
(5)
   العتالين
♡♡♡♡♡♡♡♡♡♡
العتال
بقلم سمير الحمل
♡♡♡♡♡♡♡¿
انا العتال عبد العال صاحى
متوكل على الله
وكل حى بيسعى للقمته
لجل بيته وضناه
ولجل مايصرخ الم
وتعلا الأه
انا العتال (عبد العال) شيخ الفواعليه
رافح راسى ما وطتها يوم ولا كانت
محنيه
مابعرف الخوف ولجل ظروف الناس
اعاملهم بحنيه
عايش لعيلتى لولدى وبنتى لجل
رغيف العيش والميا
انا العتال عبد العال
الفجر يعدى ويصحينى من بدرى
الرزق يا ابن ادم فى السما ماتدرى
واعمالك ونواياك ملايكه تكتبها
اما بيبان الحرام رجلينا ما تعتبها
عمرى فى يوم على رزقى مابات قلقان
بعد العسر الميا تجرى فى الويدان
والارض اللى كانت جفا الزرع بقى شرقان
عمرى نفسى فى يوم ماخلتها تبكى وتنوح
ولا سهرت ليالى ولا روحت اطوح
اخلص شغلى وعلى بيتى انا مروح
انا العتال عبد العال
فاتت عليا ايام صعبه
و ازقها
مر حنضل كان بوقها
وفى ثانيه ربك يفتح
ويشرح صدرها
احلى شقى لما اشقى
روحى للحياه عاشقه
الدنيا من غير شغل
ماتنعش
تخرج ويرزقك المولى
كما الطير
ويرجع العش
انا العتال
عبد العال
صحتك يا ابن ادم
لازم تصون
واروى عمرك عمل
تكبر كل الغصون
وتتملى بالفرحه كل العيون
عملك راحتك عملك سلامتك
دايما تلقاها مرفوعه هامتك
انا العتال عبد العال