26
انشودة الحياه
انشودة الحياه
(الوطن25يناير)
(6)
الشاعر سمير الجمل

من فوق شواشي الفجر
كل تلاتين عام
تلقى الوطن
قام وانتفض
ورفض
ظلم
حكامه
*******************
من اثنين وخمسين
كل طاغي هلك
واندفن ظلم الملك
فر الوطن وعاد لأصحابه
بعد مر غياب وسنين بعذابه
وفى كل ريق مايقدر يبلع
المريء السلة
التف حول الوطن
الخيانة والشلة
والغدر بالأوطان
اكبر مذله
اللي يشوف التاريخ
يحتار ويفكر
بلد لاحصلت مدنىيه
ولا حصلت عسكر
*****************************
وبعد تلاتين عام
وتلاتين عام
تاه الاهل
عم الجهل
وساد الظلام
حزنك يا وطن
كان يقتلني
اخد عقلي وجنني
وانا اللي بخاف عليك
وابوس ايديك
وشايلك في النني
***********************
انا كنت عود القطن
ومن الألاعيب والأكاذيب
الكل بقتلني
الظلم والفساد كان مجعوص
وبيترص
ومسكوا جناحك ياوطن ونزلوا
عليه قص
قوانين على المزاج والبند له
ميت نص
وفى يناير يوم خمسه وعشرين
من كل جهه شباب رجال وطنين
فاتوا عملهم وحالهم وقامو متحدين
حلفوا يهدوا الصنم ويطيحوا بالكافرين
*****************************
الدم كان هو الدم
والوطن نداء الام
والدم اللي طرطش
على الحيطان وغرق
اللي مغرب واللي مشرق
وبين الاتنين
أسماعيل عبد المتعال
ومرقص ميخائل دنيال
أراهنك لو عرفت تفرق
الملايكه نشرو ورود
وزهور ونور على الشهدا بتفرق
ابتسامه واحده ونفسه الدم اللي سال
حتى ربطة الشال
امن وبرد وسلام
نايمين حوه الخيام
ما في جبان ولا ضعيف
بيتقاسموا الرغيف
والفاسدين باعوا الوطن
على كل رصيف
*****************************
شباب احباب اصحاب
وكل الوطن خرج
وفتح الباب
حب الوطن لا رياء
ولا نفاق ولا حد تلاقيه كداب
التاريخ انكتب بحس اعمارهم
وانه عمره ماكذب ونشر صورهم
الدم سال فى وسط الجموع والركلم
سقى ارض الحريه و اساميهم ع الرخام
بحياتهم واصواتهم الفرعون انهار
ودقة القدم كانت سابقه النهار
ويسلم اللسان اللى قال ارحل
والدم اللى سال وغسل توب
الوطن المتوحل
*********************************
وبعد فترة تيه ظهر جماعه معاتيه
باسم حماة البلد
الجهل كان في الافكار و معشش
شيطان وراء شيطان بيغشش
مايعرفوا ان الحيطان كانت مصريه
وان الغيطان والزرع والميا
بيدفنوا ويهلكوا اى طاغيه
ونزلوا تانى يرجعوا السمرا
من قبل مانتباع وبنذاع
خبره موتها
ويموت ولادها ويتحكموا فى قوتها
رجعت بلادي لحضن اولادها
وتحيه مصريه لكل وطني اعادها
يا وطن انا ف الحرب سلاحك
ياوطن انا ف الارض فلاحك
ياوطن انا طيرك انا جناحك
انا العشا انا الفجر و صباحك
ضد العدا ف البحر تمساحك
انا هدفك وطموحك وفلاحك
انا الشهيد ...والوليد لكفاحك
ياوطن
