ايه فى ايه عاملين دوشة ليه
هو ايه اللى حصل ولا ايه اللى وصل
ده شى عادى مش جديد علينا
نشوف خيبتنا بعنينا
كام مرة ؟؟ ضربونا واحنا نقول كمان
راح منا الاحساس من زمان
بس يادوب نشجب وندين
ياناس حرام عليكم ده احنا عندنا دين
نفسى مرة اصحى القى نفسى
مش مسلوب الارادة
نفسى يكون فى انتفاضة ياغزاوية
نفسى يكون فى حس مرهف بالارامل واليتمى
واللى ماتوا على السفينة اه ياايامنا الحزينة
بكرة ينزلوا من الطياره على العماره
ويقولوا ممعناش اماره تكونوا فى العماره ديه
ده حرام ياناس كده ناس تنداس
من غير مايكون فى احساس
وانت ياباراك خايف تبص وراك
ومش لقى اماره تبرر بيها الغارة
والحريه جايه جايه لو هتحطوا فى البحر راية
مكتوب عليها ممنوع الدخول
غزه دائما بناسها رايه تتحدى كل الوجود
قلبى معاكوا ياغزاويه
احنا هنعدى المحنه ديه
ونركب سفن الحرية . وانتى ياتركيا فى القلب ابيا
ومصر دائما مواقفها ايجابيه
افتح يعنى افتح مفيش عندنا هزار
انتوا فكرين ان ديه بوابة لموت الفلسطينية
لا دى دائما هتفضل شريان الحياه
ما هو لازم يكون فى البحر حريةوفى البر بوابه ابيا
وارحمونا ياعرب من الاجتماعات ديه
مابين نشجب وندين احنا مش عارفين لفين ماشين
احنا عايزين يكون فى امانه وبطولة غزاوية
وتحيه لكل شهداء الحرية
ودمهم اللى خلى البحر سلسبيل
وصرخاتهم خلت الليل الطويل يميل
ويطلع الصبح الجميل
على فضيحة الصهونية
بقلم/ سمير الخليلى
ساحة النقاش