انت معايا ولا معاه .................................... بقلم الشاعر/ عبدالستار جلال

انت معايا ولا معاه
انت معايا ولا معاه
لسه يا قلبي عايش لهواه
رغم أساوته لسه بتحلف
تاني بغلاوته
يبعد عنك يهرب منك
وانت بتسهر تستناه
إنت معايا ولا معاه
ليه كده راضي
يضيع العمر معاه
ع الفاضي
إديته من الحب كتير
عشت عشانه ولحبه
أسير
واللي عشقته ودبت معاه
ويبعد تسهر تستناه
مش علي باله لو قولت الأه
إنت معايا ولا معاه
كتر خيرك دايما تدي 
وإلأيام بتفوت وتعدي
لا في يوم حس بحبك ليه
ولا إحساسك أثر فيه
طبعه أناني يبيع في ثواني
واللي عملته أوام ينساه
وإنت معايا ولا معاه
٠بقلمي٠عبدالستار جلال