بدون عنوان ..
ونتعاتب كتير لكن
ف نن العين بكون شايلاك
تودعنى بكام كلمه
ومهما تكون بكون وياك
انا البسمه اللى ع الخدين
وانا الفرحه اللى تستناك
وانا الدمعه اللى ماليه العين
فى لحظة شوق بعيشها معاك
انا لو طال سكوتى حنين
ولو تقسى انا مسمحاك
تقول راجع بلاش الخوف
ومش هتكون لغيرى هناك
ترد دموعى مش خايفه
انا مقدرش عافراقك... انا بهواك
تدفينى برمش عنيك
تكون جنبى واكون حساك
كتير بسرح مع الصوره
وبنسى الكون ومش بنساك
ونفسى تبقى مكسوره
لامته هعيش على ذكراك
بتوحشنى بكل ما فيك
وكل ما فيا يتمناك
يطيب خاطرى كف ايديك
ويرسم فوق جبينى هواك
بغير لو حتى كان غيرى
تكون جنه وحور شغلاك
نسيت لما كتبتلى وعد
وقلت ان الاله وصاك
على الجبل اللى مابيتهد
جبل واقف ورا الاسلاك
بعزمه الحلم راح يتمد
يغيب الصوووت انا سمعاك
انا مهما يكون الجرح ف فراقك
يطيب خاطرى انك يا الحياه صابر مع رفاقك
على ثغره ف سبيل الله
#الاثر_المفقود
