طــار الحـــمام
طاير لفوق في السما وبتــضرب بجناحـــــك الهـــوا علي راحتـك
لا يقدر يحبسك حد ياطـــير وكل السما المفتوحة بــقت ساحـتك
لاشايل هم يومك ولا قوتك ولاظالم في يوم يهـدم علــيك عشـك
تصحي من بدري من نومك تسبح الرحمن وتسعـــى على رزقـك
وطايرلفوق ومش داري في كام محبوس علي الأرض هنا تحــــتك
قلوب محبوسه في الهم تبص عليك وتقول بدمع العين آه يابخــتك
رد الحمام بالسلام ليه الحسد يابن ادم وانت اللي حابس نفـسك
إنت اللي بنيت السجون قفلت علي المسجون وتقول الزمن حبسك
مين اللي بنى زنازين وقتل ملايين روح ياشيــخ إختشي على دمك
من يومك ظلوم تقتل اخوك تمشي في جنازته والضحكة على وشك
علي الدنيا فارد قلوعك والكون كله طوعك وفاكر إنــه بقــــي ملكـك
افتكر ساعة الموت و حفرةالتراب والدود بياكل ويتنطط عـــلى كـتفك
ساعتها يخرص لسانك ويدوب قوامك ويمشى الناس على جسـمك
محمد ابو الفتح..........
