ياليل العاشقين ........................ بقلم الشاعر / فضل عبدالرحمن

======= ياليل العاشقين ======= 
أهدى ياليل الشوق واحليها باه معانا 
واسأل نجوم الليل دى احتارت اوي ويانا 
------------------------------------------
ده احنا اللى تعبنا السهر والهوا مرسانا 
نغازل خدود القمر ونحكي ليه حكاوينا 
------------------------------------------- 
نفرح لو شفنا في يوم بسمة احنا رسمنها 
علي وجوه الحبايب ونقول الله يا محلاها 
------------------------------------------- 
ونصبر القلب بالضحكة ونقول اهو معانا 
يمكن الشوق يرميه ويجي في يوم يكلمنا 
------------------------------------------- 
ويقول انا مشتاق لنسمة شوق وياك تجمعنا 
وطيور المحبة تنادي عليه يلبي ويسمعها 
------------------------------------------- 
طيب ليه الحبايب تزيد في الهجر وتتعبنا 
هوه انتو مش عارفين ان البعد نار بتكوينا 
------------------------------------------- 
ولا انتو نار الشوق في القلب مش حاسينها 
ولا ده تقل ودلال وتشوفو معزتكم عندنا 
-------------------------------------------- 
طيب والله بنحبكم ودليل حبكم في عنينا 
حتي اسألو العزال يحولكم على اللى مسهرنا 
شعر - عامية -------- 
بقلم / الشاعر فضل عبدالرحمن