(( وفضيت علينا الدار ))
--------------------------
رحلوا الولاد تركونا بحسرة واتغربوا
وفضيت علينا الدار
تاهوا وغرتهم دنيا الغدر وتعذبوا
حتى ما رجعوا للوطن زوار
ماتت الأم ومات الأبو وما وجبوا
جسر الود بينا وبينهم انهار
شو تغير هالوقت ويلي ما أصعبوا
نسيوا إنو الزمن دوار
ونسأل حالنا ليش جافونا واتقلبوا
وصرنا في طبعهم نحتار
إيه يا دنيا فرقتي بين الولد والأبوا
قتلنا الحزن ببعدهم ذقنا المرار
يلي هجرتونا من كاسنا لبد راح تشربوا
مثل مابعتونا في الليل قبل النهار
راح يكبروا ولادكم ساعتها ما تتعجبوا
إن صرتوا ما تسوا دولار
تعبنا و ربيناكم بدمع العين لا تتجبروا
عمر الدم ما صار مي ياكبار
أذكرو أمجادكم ماتنكرو جدادكم وتتكبروا
الأصل يبقى أصل لو شو ما صار
--------------------------
بقلم .......... / خوله ياسين
06.12.2015
