مش ممكن
انا مــش ممكن أنســـاك وابيع الحب مهمـــا يكــون
دا لســـة القلب يهـواك ولســـة بالهـــــوا مجــنون
ولوخدنــى الزمان منــك وتهت ف غربتـــى عنــــك
انا مانسـيتش عشـــرتنا وحبك فى الفؤاد مســــجون
تفــوت أيام وراها أيام واصــبر قلبــى ع الوحـــدة
وخايفه م اللى جـاى قـدام يضيع بين عند ومناهــدة
واقــول م العمر فاضل كام عشان أصبر وأستنى ؟
شاورت لقلبى على غيرك ومش راضى بولا واحد
يفتنى كتير وبيجـيلك تسـد ف وشه مليـون باب
ولما تشـوفنى مع غيرك بيقلب فرحى كله عـذاب
لاعايـش بيك ولا بغـيرك ولا قادره على الحرمان
ياتيجى يااما رح أجيلك ياإما تقولى أيه الأسباب ؟
