يمكن
اروح و مرجعش
اغمض عيني و مفتحش
و بين نفس و التاني
الاقيني تحت التراب مدفون
في اللي في ثوانى
هينسانى و عليه عشرتى تهون
يمكن
اكون معاهم و بعد مامشي مرجعش
و يكون طيفى حواليهم و متشفش
و ابكى و اقول واحشنى
و اسمع كلامهم و كلامى ميسمعش
يمكن
تكون خطوتى معاهم متتكررش
و افارقهم للأبد غصب عني
فيهم اللى هيتوجع من بعدى
و فيهم اللى معاه مفرقش
يمكن
الاقى حد بالخير يفتكرنى
و يرد غيبتى و يقدرنى
و غيره بكلامه يكسرنى
كل شئ ممكن
ــــــــــــــــــــــــــــــــــــــــــ
الشاعر أحمد بديع صابر
