الشاعر أحمد بديع صابر
ــــــــــــــــــــــــــــــــــــــــــــــــــــ
بضحكــ
ــــــــــــ
بضحك و مش ببين
مع ان اللى فيا مش هين
برسم ابتسامه ليهم
و لكل واحد وش معين
علشان متعبش حد فيهم
و بهزر و العب و اصهين
بس من بره لكن من جوه
ضعيف اوى لا حول و لا قوه
انا ليه و ازاى كدا
تعبى منى و فيا
عايش ليه كدا
مكسور و بدارى
باين بارد أدامهم
و بيني و بين نفسي
بتكوى بنارى
انا قلبى خلاص هجر ضلوعى
و عنيا مش راضيه تحبس دموعى
ما بينى و بين مرايتي حكايه
أولاها دمعه
و انهايتها قطع شرايين
و موت مش ناوي يجي
و حيره ما بين اتنين
قلب غبى و ضعيف
و عقل بيحسبها مرتين
ع الحال دا و أنا
زي ما انا بقالي سنين
لا بيزورنى الهنا
و بتجف العنين
تهت بين اربع جدران
و السؤال أنآ أبقى مين ؟ ....
"
ــــــــــــــــــــــــــ
بقلم / الشاعر أحمد بديع صابر
12/10/2015
