شايف بعينك حزن كلش ﭴبير.. 

عالكراسي وحيل اشوفك منقهر..

ياخشب؟مذبوح شعبك نصه مات.. 

وكلنا صرنا حسين يالكلكم شِمر..

خوش عدكم معتصم خاين عميل.. 

وجاب من أسياده تعميم وأمر ..

هذا إصلاحك طلع بس عالفقير.. 

وما يمس كتله ولا بيها يمر..

منصدم مكسور كرسي البرلمان؟

ومايهم عارك تفاقم واشتهر؟..

باين بعينك حزن ثلثينه خوف.. 

وشايف بعينك نهاية هالعصِر..

هم تشوف الشافه غيرك من زمان.. 

ويطلع المضموم والبيك إندِثر..

إي نعم .بعيونك القادم قريب.. 

ومايدوم الحال ويدور الدهر..

طوال طاحوا مانفعهم عنفوان.. 

شلون عاد يصير بالطوله شِبر؟..

...........................................