(ولاد العم)
الشعر 
شعشع شعوري
شع الحنان بيها
والشعر
 شاب من مشاعري
شاع المشيب فيها
والعشق 
شعله تشعلل
نار  القلوب داكن
شمسك
 شعاعها انتحر
والدفء بات راكن
تهرب لفين ياجدع
وانا ف العروق ساكن
مهما تلف بلاد
الوجع غطي الاماكن
خدني الزمن بوسه
ضم الشفايف قوي
طرح الالم بالفم
عطشان حليبك بقي
امتي هاترويني
قلبي انفطم من غير
ما يدوق حنين الام
نامت قلوب الصبايا
علي عتبه مدبوحه
بين الامل والهم
تحلم بطرحه وفرح
وشاشه ونقطة دم
وصل العريس بعدين
مات الفرح م الغم
وبان علينا الخجل
رقصوا ولاد العم
(تنهيدات صلاح يوسف)