جارى التحميل
استخدم زر ESC أو رجوع للعودة
اخر الشتول
مديت عليك لحاف الشوق
عسجد البخور الجاي
من نداوة الفصول
وغنيت عليك
الليلة يا اخر الشتول
عصارة الكلام
الفي أوهام الرحول
واقف علي بابك
مستني زمن الدخول
نشاز الإنتباه
قمر الشروق ضد الإفول
والليلة يا خنساء السهول
ويا اخر الشتول
انفضح حال العيون
المكسية بروح
البت البتول
بتاوق قمرة
وتاخد حزم الشعاع
من ضيك الما كبح
زمن الرجوع
والليلة يا اخر الشتول
قول لي كيف الوصول
والضفة بتقاوم
توالف النيل
وزمنك المعسول
والليلة يا اخر الشتول
يا اخر المواعيد الغرام
حشمة جمالك
وطرفك المكحول
زمن الهموم الما ربح
قمر السبوع
الليلو ما صبح
والليلة يا اخر الشتول
وعد الخريف
قولي كيف
اجيك كيف
زمني القسى
وجابك كيف
حالي الأسي
وجابك كيف
والليلة يا اخر الشتول
اجيك من الزمن الملام
لزمن السلام رسول
عطرتي الصباح
باريج العطور
وانبهار العيون لما
تقراك بين السطور
من سطوة الماضي
غنَاك الحاضر
نده حضورك
وقف قدامك بذهول
وليك يا اخر الشتول
بشارة الحب
رهان النيل
زمن الوصل
واجيك يا اخر
الشتول
" " "
ساحة النقاش