الشاعر احمد ابراهيم
الشاعر المصري /احمد ابراهيم
**********************
فى قصيدة (سوري انا) اهداء الى الشعب السوري الحبيب
****************
سوري انا رغم الالم سوري
جرح الألم فيا والدمع ف عيوني
جرح الالم علّم والليل خطف نوري
مين السبب فى الالم
يا عروبه ماتقولي
مجروح يا كلمة عرب
باكيه على سطوري
انا صرح كان عالي
وانا اسم انا غالى
رغم الالم سوري
اصرخ يا حرف الالم
يا شاميه ما تقولي
مين اللى جاب الحزن
زرعو على بابك
مين اللى قاد النار
يتحرقو احبابك
مين اللى طفي الشمس
مين كانو اصحابك
ابكي يا شام ابكى
سهم الخداع صابك
مين اللى جاب دمعتك
بيهد فى قلعتك
كاسر حصون بابك
ابكي يا شام ابكي
بحر الدموع حارق
ارضك يا شام الالم
لما الحنين فارق
بحر المرار جاري والجرح بيعاند
غربة حنين ميّت
لون السواد بيّت
على ارضك الخضرا
والظلمه ف حدادك
مين اللى قال تبكي
فيكى الاهات تدوي
ليكي سلام مني
يا غاليه لا تئني
لو حتى مين سابك
واقف على بابك
حامي انا تربك
ماسح انا دمعك
قايد انا شمعك
قرب طلوع فجرك
يرسم فى توب فرحك
بسمة امل يسكن
من تاني فى ملامحك
يا شاميه يا صبرة
طالع فى يوم قمحك
راجع شروق فجرك
عاشق انا اسمك
يا سوريا انا عشقك
*****************
بقلم الشاعر المصري/احمد ابراهيم
