الأيّام
مشات أيام
وراها أيّام
وراها شهور
وراها أعوام
إنتِ تحكي وأنا نسمع
إنتِ تشكي وعيني تدمع
تتكلم وتقول
وآنا نصدّق على طول
عمري ما نشكّ ولا نغير
ولا حتّى نفكّر
إلّي أنتِ ممكن تغدر
تقرى عليّ لذيذ شعارك
فيها سرارك فيها خبارك
فيها عشقك فيها غرامك
ساعات نفهم كلامك
وساعات ما نفهمش حتّى سلامك
وقت ما إنتِ تجيبلي حكاية
بعيدة عليّ
نعرف إلّي ما هيّاشي ليَّ
ولّي أنت بعدت عليَّ
وإلّي إنتِ تجري وراها
وقت ما توصل ليها
ترجع ليّ
تشكر وتتغزل فيّ
تغني تغزلي بحنانة
نِبهت فيك
تقولشي أوّل واحدة تحبّها
آنا
أنا نفهم ..آما نصبر
نعرف إلّي إنتِ غرامك حوّة
من بكري موشي من توّه
وديمة تغلط
وديمة نسامح
آخر مرّة كانت البارح
كنت معاها .. ورجعت فارح
ربّي يسامح.... قلبي
طار وراك عمل جوانح
يعرف إلّي إنتِ ماكش ليَّ
حبّك أنت وخلّى بيَّ
نسيمة الهادي اللجمي
صفاقس
