مجلة سهر الليالى* من أول دمعة بقلم/محمد عبدالرحيم

من أول دمعة
..........
من أول دمعة
أنا صدقتك ..
من كلمة عينيكي
قالتها يادوب
ودي تاني مقابلة
بتوه فيها ..
وفي نظرة
وهمسة ولمسة
بدوب
لوبتحبيني
ماقولتيش ليه؟
من غير
مادموعك تألمني
هية إللي تحب
لازم تبكي ..
تسكت ودموعها
تكلمني
..........
لوكنت عرفت
إللي في قلبك ..
وقتيها ماكنتش
حبيتها ..
ولاشوفت الوردة
بتتألم ..
وأنا بتكلم
مع صاحبتها
...........
هية بأحلامها
أكيد سبقت ..
فتحت باب قلبي
مارديتها ..
وماكنتش أحسب
إن هناك ..
ع الورده ندى
ودي دمعتها
..........
سامحيني يا نسمة
ماحستكيش ..
ولاشوفتك بين
همس كلامها ..
ولا انتي ساعتها
مافضلتيش ..
أحلامك تهدم
أحلامها
............
أنا آسف جدا
ماقصدتش ..
إني لإحساسك
ماوصلتش
لو أقدر أنا كنت
أسيبها ..
بس الأيام
هتعذبها ..
وحاولت ولكن
ماقدرتش ..
وحاولت ولكن
ماقدرتش
............
قابلتها هية وصاحبتها..كانوا كأنهم أختين ..لكن بعد مادخلت في حياتهم ..إتغير الإحساس ده كتير..إخترت أقربهم لقلبي ..وبعدت عن الأقرب لعقلي..الأولانية مافهمتنيش..والتانية كنت كل حياتها وأحلامها..كانت بتحبني بكل مشاعرها..ولما حسيت بالفرق عرفت إني كنت مخطأ ..وإن إللي إخترتها ماكانتش هية الحلم..كان الإحساس ده بعد فوات الأوان ..وكان قراري الوحيد إني أنسحب من حياة الإتنين..وفضلت عذابي أنا ..على عذاب صديقتين ..وأختين
محمدعبدالرحيم