الفرق ...بيننا
)()()()()()()
ما بقاش هواكى ليه
يحَّـرك فى الشجر ؟
ولا فيكى نسمة صيف
تطـرّى ع القلوب
مابقاش غرامك
يشرِح القلب الحجر
وبقيتى بس.... رمال وطوب
وكنتى بالنظرة... يلين
ليكى الحديد
كان الحجر من نظرة واحدة
يا دوب ...يدوب
حتى البشر . باتوا
وصَـبَـحُـم .. مش بشر
تاهت خطاوى المغرمين
بين الدروب
جـرَّبى . تيجى مكانى
أو تشوفى.... من هنا
تاخدى عيون المحرومين
من بسمتِـك
تاخدى قلوب العشقانين
فى محبتك
وتشوفى إحساسك
ساعتها ازاى يكون؟
طب لبسينى التوب مكانك
والبسى توبى المهلهل بالجراح
لحمى اللى بات مفتوح...
وعضمى ع المشاع
وانتِ اللى بتغطى اللى خانك
واللى باع
توبى ولو حتى الأمل
ما يرقَّــعُـه
بس رايح يسترك
لو مسّ يوم شعرك هوا
ياخد من الباقى فى لحمى
ويسترك
هو دة الفرق اللى بيننا
أنتِ كل الدنيا لىَّ
بس انا ... واحد
وعشاقك ....كتير
...................
بـــقـــــــــلـــــــــم ا لــــــشـــــــا عــــــــــــر
أ بـــــــو عـــــمـــــــا ر ا لــــمــــصــــــــر ى
