آه يا مدينة العجب
****************
الناس ف مدينتى
بيوشوشو ف الودان
وف الودع
يطرح كلامهم ع اللسان
1000 صرخه من الوجع
مابيعرفوش يزرعو
غير الجروح
ولا يصنعو غير الطمع
وش الشوارع انكسف
وش الحوارى انقلع
إيد بترشى
وكرش واسع
وناس بتفرح
فى المواجع
واللى ماشى توبه ضحكه
واللى تحت التواب سواد
واللى ماشى جوا سكه
فيها ملح الجرح زاد
اللى خايف يصحا بكره
يلقَى حلمه ف المزاد
واللى لسه عوده اخضر
بس منقوع ف الفساد
آه يا مدينة العجب
فيكى الميزان مقلوب
الاسم يبقى رجب
يطلع رجب شيبوب
خجل الصبايا انتحر
ولبس النقاب معيوب