جارى التحميل
استخدم زر ESC أو رجوع للعودة
حِلم العُمر
*********
ياحِلم العُمر ليه تِبكي ؟
إيه إتغَير في أحوالك ؟
ليه مِن تاني جاي تِشكي ؟
وإنتَ وسط أحبابك
ياحِلم العُمر
كُنت دُنيتي الحِلوه
والأمل إللي أحياني
دِلوقتي بقيت غِنوَه
يعزِفها لِسان عُزالي
ياحِلم عُمري إللي إنتَهي
إيه باقي !!!
إيه باقي ماالجسد فاني
بِتِبكي ليه ؟!!!!!!!
عايز مِني إيه ؟
عايز مِني إيه تاني ؟
داأنا كُل ماأَقَرب مِنَك
ألاقي !!!
ألاقي الشك يملاني
أعيش الوِحده والغُربه
وغُربة نَفسي قاتلاني
ودِموع حارقه علي خَدِي
ونِسمه بارده دَبحاني
ياحِلم العُمرليه تِبكِي ؟
وليه تِحكِي ؟
وليه تِشكِي ؟
وليه بِتهِز وِجداني
أنين القَلب مِتألم
وجَرح العُمر أهو مِعَلم
وأنا عُمري مابَتعَلِم
كياني جوا بيتقطع
وأرجِائي بِتِتصَدَع
وأنا حابِس دَمعِي جوايا
وأقوم أضحك وأنا ببكي
والنَفس جُوا قَهراني
أقول يانَفس ماتِشكِي
ماتِبكِي !!!
وكفايه !!!
كفايه دا إنتِ كَسراني
ويُصرُخ القَلب جوايا
فينَِك !!!
فينَك ياكُل أملي ومُنايا
صفاء عبد ربه
