جارى التحميل
استخدم زر ESC أو رجوع للعودة
قصيدة ليلة القدر
==========
بشربة ماء وألم الداء دعيت لالاهى فى السموات
يزيح الغدر وكل الهجر فى ليلة القدر فى ساعة فجر
دعاء موصول وكله شجون ودموع فى عيون لرب الكون
هو الرحمن هو الغفار بيجيب فى دعاء مكلوم حيران
اهاتى كتير وطمعى كبير فى بركة كرمك بكل الخير
ذليل وفقير نهارى وليل لنفحة عفوك تصير وتسير
ده انت عليم فتاح وعظيم بكل حالتنا وحالة الغير
أقول لك ايه وادعى بايه وخجلى لكرمك فاضحنى ده ليه
رضاك مطلوب وكلى ذنوب وبكرم الجود اصلى وأتوب
ده ليا الستر ولاهلى الستر ولبلدى الستر فى ليلة القدر
يارب احمى وطنا كمان من مجرمين وأعداء لسلام
يارب اشفى كل مريض ويوم شفاؤه يكون العيد
يارب أحرق فى الشيطان وزيد ايمانا كمان وكمان
يارب أصلح فى الأحوال واجعل حياتنا خير وسلام
يارب عز فى الإسلام وطهره من خاين وجبان
يارب بارك فى اولادى وجيش وطنا وبلادى
يارب وحدة عربية بدون معونة أمريكية
عراق وسوريا بلاد الشام يارب ترجع زى زمان
يمن وليبيا مع السودان ده كفاية تفتيت الأوطان
ازاى ربيع يحرق أشجار وشعوب حضارة كده بالنار
ويارب أحفظ مصر كمان إيمان ورفعة وخير وسلام
أنت حبيبى ماليش غيرك عبدك فقيرك واسيرك.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
