جارى التحميل
استخدم زر ESC أو رجوع للعودة
وبقينا إرهاب
...........
باحلم نرجع زى زمان
نسأل ونخبط على بعض
شايف كل الناس بتخبط
بس الخبط
خبط ف بعض
جارى
عشرة سنين وسنين
كان بيعدى آخر الليل
والناس نايمين
يسأل ..يطمن .....
واقوله ...... اطمن
كلنا انا وعيالك وعيالى
دخلوا ينامو
وام احمد
مع مادلين نايمة
ما هى بتخاف م الضلمة
عادتها
والنور طـَـوّل
كان يضحك ويقول لى اتـّاخـِـر
خدنى ف ريحك
كلها نومة
ليه يا ابو مينا تخـُشّ وتـِجـرى
حتى خيالك
ما بشوفهوش
فين الضحكة الحلوة الرايقة
فين يا ابو وش جميل وبشوش
إوعى كلام الصفحة الصفرا
أثر فيك
إخص عليك...ما تصوقهوش
فجأة بقيت انا وانت اعداء ...؟
دة الباب لسة ف وش الباب
والشباك بيهوى ما بيننا
عمرى وعمرك ما قفلتوش
والورد اللى زرعته بإيدك
يا ما بدمع الود رويته
ما قطفتوش
لما يـهـِـلّ الشهر علينا
كنتو تصوموا ولا بتاكلوش
كل الحارة كانت حاسدانا
قالوا على... مسيحى
وقالو ....
إنك ما تـفـَـوتشى الفرض
كنا بنضحك ملو قلوبنا
دلوقتى بنضحك على بعض
حطو لنا اللى يسموها فتنة
وانا وانت.... سمونا إرهاب
دى عمايل لازم نرفضها
ديننا رافضها
مرفوضة فى السما والأرض
............
بــقـــلــــــم ا لـــشــــــا عـــــــر
أ بـــــو عـــمـــــــا ر ا لـــمــــصـــــــــــــر ى
