قصيدة صرخة شهيد
===========================
باصرخ بصرخة واقول الحق من روح وساكنة فى دار الحق
قتلونى برضه فى يوم العيد ودمى يشهد انى شهيد
دى الروح صاحبها اللى خلقها ازاى تكون انت اللى زاهقها
احلف بانى كنت برىء وفى عملى برضه كنت دقيق
وولادى من لحمى ودمى وتقسم حتشرب من دمى
يتمتهم وانا ايه ذنبى ورملت زوجتى اللى فى قلبى
وامى نار ولعت فيها لا بحور وميه تطفيها
وابويا من الصدمة اتشل مطحون وبرضه طافح الخل
واهلى بيدعوا ليل نهار يدوقوا اهلك طعم النار
عامل مزارع او دكتور ضابط مهندس عليه الدور
شايفينه برضه يا مسلمين يقتل ويحرق باسم الدين
ضابط وبخدم جيش بلدى يكفرنى وياخد اغلى ما عندى
او حتى بخدم قسم بوليس يقتلنى برضه ولا ابليس
اوحتى ماشى فى حالى كمان فى مظاهرة يقتل الانسان
مولوتوف والى وقنابل يقتل ويجرى ويتقابل
ابنى الرضيع يصرخ صرخات ويقضى طول الليل فى اهات
ودموع بتملى ابار وبحور من اخت ام والد مقهور
وارملة تربى يتامى تسهر وتحزن شقيانة
بادعوا عليهم من السموات وملايكة بتزيد فى اللعنات
على كل قاتل يزهق روح ويحرم شهيد من اهله بشوق
انا روح فى الجنة طيورها كتير شهداء وسقطوا فى التحرير
يا امى دمى عليكى عبير وابنك شفيعك يوم الدين
ومهما ضربوا علينا رصاص لازم نطالب بالقصاص
العدل هو الرحمن وقصاصه واجب فى اى مكان
فراقكم يا ولادى عليا يجرى الدموع دى فى عينيا
لكن ده فرجه وعدله قريب فى الدنيا برضه وبالتعذيب
وفى الجنة لينا قصور تعويض وفى النار ده ليهم كل كريه

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون