‏‎

********ألف ليلة********
عشت معاه الحب ليله
كانت ليله و لا ألف ليله
حسيت بقيمة اللحظه الجميله
ليله يا ريتها كانت طويله
ليلة دفا في برد الشتا
و ليالي الشتا دايما طويله
كان فيها نسمه و الفرحه بسمه
مرسومه على شفايفه الجميله
قرب مني كلمني مش عارفه
و لا غازلني مش فاكره
قربت منه بشوق و لهفة
قربت له و كأني مش عارفه
قرب و قال كلام حب و حنين
قال حبيبتي واحشاني من سنين
حبيبتي دوبني الحنين
حبيبتي انا هنا انتي فين
عملت نفسي مش عارفه
رغم الشوق و اللهفه و الحنين
قرب مني من تاني
قال كلام حلو خلاني
نسيت انا مين
لقيت نفسي باجري عليه
و رميت روحي بين ايديه
ضمني و ضميته
حبني و حبيته
فرح بي هو
و فرحت انا بيه
*********ألف ليلة********
بقلمي / عبيد رياض ( عبيد آل حريقه )