مجلة سهر الليالي ** انتى الوحيدة بتعرفى ** بقلم الشاعر / احمد ابراهيم** اسرة التحرير / علي جلال

الشاعر المصري /احمد ابراهيم
فى قصيدة(انتى الوحيدة بتعرفي)
الدولة/مصر
---------------------
نوع العمل/شعرعامى
-------------------------

انتى الوحيدة بتعرفى
============
بقلم الشاعرالمصري/احمد ابراهيم
===============
انتى الوحيدة بتعرفى
انى الطريق اشواك
كتيرة لخطوتك
عديت وليكى ببتدى
وف ايدى قايد شمعتك
عشش ظلام لما
ابتديتى تهربى
وخدتى وحدك القرار انك
تعيشى ف دنيتك
قولتيلى ده ليا اختيار
واخترتى وحدك سكتك
والفجر عدى منى غاب
وعرفت انى الحب كان
م البدايه لعبتك
لما الوعود مرت سحاب
كم وعد كنتى بتوعدى
وانا كنت ليكى بوعدك
انى اكون فوق
شفيفك غنوتك
انى اعيش ارسم
فى عينك ضحكتك
اسكن فى قلبك بالحنين
واعيش سنين فى محبتك
لكن صحيت على حلم فاضى
وعيونى شافت بسمتك
لما صرخ قلبى الجريح
فى عنيكى بانت فرحتك
طب عيشى بعدى وافرحى
كم جرح فيا بتجرحى
هتعيشى بعدى وحدتك
وهتخسرى وهتعرفى
لما هتسكن دمعتك
مين اللى كان بايده
خضّر سكتك
مين اللى خان
ومين عيونه عشقتك
لكن خلاص بقيتى ذكرى
حتى عيونى نسيتك
=============
بقلم الشاعرالمصري/احمد ابراهيم