‏‏

دويتوا////// فى حب مصر
الشاعر//// خالد الكردى ------
الشاعرة ///امـــــل فرج---

امل-----

لانك بلادى ووطنى الجميل
احب اعتذرلك وارد الجميل
واقدم عيونى عربون محبة
وكفنى يا غالية يا ارض النخيل
.....................................
خالد-----

ياوطني ياواهب لعمري الحياه
ف همك وحزنك باقول الف اه
يكون اعتذاري عشانك كفاح
وعمري ماهبقي بحياتي بخيل
لانك بلادى ووطنى الجميل
....................................
امل----

واضمك فحضنى واطبطب عليكى
واعادى اللى خانك وخرب مافيكى
واشوفك عروسة بحنة ايديكى
ودمى فداكى ده اكبر دليل
لانك بلادى ووطنى الجميل
.....................................
خالد---

ياوطني ياقادر تعدي المحن
يارافض ف ارضك تعيش الفتن
ياحنا يامينا ايديكوا ف ايدينا
دي الوحده بينا مش مستحيل
.....................................
امل----
تاريخك حضارتك عماد الوجود
ونيلك وشطك وعطر الورود
وديما يا ملكة حرسة الحدود
عروسة وشابة ومعدن اصيل
لانك بلادى ووطنى الجميل
.....................................
خالد----
يامدنا وكنيسه وصوت الاذان
ياواهب بجيشك سكينه وامان
ياترعه وسواقي وعمري اللي باقي
يانجمه وقمره وخضره ونيل
لانك بلادي ووطني الجميل
........................................
امل-----
يا فرحة ورمشك كحيل كهرمان
منور مافيكى لاخر الزمان
نسيمك بيرسم خريطة امان
بهلة بهية و ملهاش مثيل
لانك بلادى ووطنى الجميل
.................................
خالد----
يامهدي وصبايا وارض الجدود
ده زهره شبابك بيحموا الحدود
فداك كل غالي وتبقي انت عالي
ترابك ده حنه ياشمس الاصيل
لانك بلادي ووطني الجميل
.....................................
امل-----
دايما بعافر اكون لك شهيد
واعلى عمادك وعزمى حديد
وافك طلاسم عمرى الجديد
واشفي بحبك قلبي العليل
لانك بلادى ووطنى الجميل
تحيـــــــــــــا مصــــــــــر