مجلة سهر الليالي ** مغروره ** بقلم الشاعر / عبيد رياض ** اسرة التحرير / علي جلال

*********مغروره*********
قالوا عليا مغروره من صوره
ما فيهاش غير عين
امال لو شافوا جمالي 
كانوا عملوا إيه المساكين
انا ربنا اداني من الحسن
و خلاني أميره ليوم الدين
انا في الجمال ايه
و النظره دي حكايه
تسحر كل عين
انا من جمال خطوتي
و لا رقة مشيتي
ساحره قلوب ملايين
لو حد صادف سكتي
ميعرفش يروح مني فين
انا مش مغروره 
انا بس اسطوره
وجمالي يملي العين
كل اللي شافني قال
جمالها مالوش مثال
مين زيها مين 
فرسه و عايزه خيال
مهره أو غزال
ساحر ملايين
بس اللي تكون من بخته
يا وقعته يا مصيبته
محدش بالكلمة راحمني
و كله بالنظره ظالمني
انا اللي أكون من بخته
هكون ليه اكتر من حبيبته
هديله حب و حنان
وانسيه مر الزمان
بس هو بالحب يبادلني
و من الحنان ما يحرمني
ه أكون اسيره بين ايديه
و اعشق تراب رجليه
هعيش معاه و ليه
و دايما هخاف عليه
هعيش معاه على قد حاله
طول ما انا مرتحاله
هعيش سنين و سنين
مع بعضنا متهنيين
بس لو نقص الحنان
و الحبيب لو مره خان
هشوف مني العذاب ألوان
ه يعيش كدا توهان في توهان
هيعيش في شوق و نار
و لهفة و عذاب و إنتظار
هيحس البرد في عز الصيف
و يشوف النوم تخاطيف
ما هو أصله خان
نسي الحب و الحنان
طلع ندل وجبان
و انا هعيش راسي مرفوعه
هعيش حلوه و دلوعه
ارجع و أعيش في جنتي
مع نفسي تاني في دنيتي
***************مغروره*************
بقلمي / عبيد رياض ( عبيد آل حريقه )
3/7/2015