أُحْبِك****أُمِى حَمُوت لِوَطنِى وأَنَا صَايِم ***

**

************

رافع وأنا صايم سلاحى
ادافع عنك يا بلادى
دبابتى فى الصحرا ماشية
وصفوف العدو مستنية
ريقى ناشف
وبادعى الشهادة تجينى
وانا بطيارتى طاير فوق
والشمس علينا شروق وغروب
وبدوب فى تراب بلادى دوب
الجسم من الصيام قوة
تحركه الهمة من جوة
عارف انى ممكن اموت
وأهلى ميسمعوليش صوت
متخفيش يا أمى أنا شجاع
هخلص لربى وأجيب الداع
حموت وأنا صايم متنسيش
وحشتينى أبقى قابلينى
وفوق الكفن قبليني
مشتقلك يا أمى صدقينى
كان نفسى أشوفك وانت بتبوسينى
بس أنت ياما قلتيلى
ووصتينى اتمسك بوطنى ودينى
وأثبت على الحق
مهما الباطل يغوينى
الكفن علم بلادى
والشهادة وسام ربى
والاخلاص ملأ قلبى
كان نفسى أفطر معاكى
وتوكلينى بايدكى
واميل برأسى عليكى
وابوس أنا رجليكى
أبقى زورينى متبكيش
وطنى حبيبي غيره مليش
أموت أموت ميهمنيش
مادام وطنى حيعيش
سلميلى على مراتى وعيالى و
ابن عمى
وابن خالى
كان نفسى الدنيا تهنالى
وأعيش واربى عيالى
صايم كنت أتمنى أفطر
بس فطارى فى مكان تانى
فى الفردوس مع الحوارى
يموت العدو تعيش بلادى

د\ محمد حسن 15من رمضان 2\7\2015