‏‎

******القلب الحزين*****
قلبي يا حزين مالك
جرالك ايه
أنت عايش من سنين
ساكت ليه
عايش في الحنين
حنين لايه
حنين لماضي مع
قلب فاضى جني عليه
بتحن لذكرى ولا
ب تفكر في بكره
هتعمل إيه
م انا قولتهالك
خليك في حالك
مش ساكت ليه
عايز تحب و مش فاكر
الحب عمل فيك ايه
ب تقولي تاني نفسك
أماني و محبش تاني ليه
م انت حبيت
دوبت وهويت
قولي كان نصيبك ايه
كان نصيبك جرح و مشوفتش
فرح نسيت و لا ايه
نسيت اللي خان و بارك
زمان انت مش عايز تتعلم ليه
نسيت الوعود و الكلام و
العهود قولي فاكر ايه
فاكر حبيبك
سبب تعذيبك
طب ااقولك تاني ايه
ااقولك كفايه و لا هي دي
النهاية تقولي نهاية ايه
نهايه حياتك و ذكرياتك
نهاية الحب نهايه ايه
كفايا علينا
نداوي بأيدينا
جرحها و نعيش عليه
نلملم جارحنا نداوي
في روحنا و كفايا اللي احنا فيه
مش ناقصه تاني حب و أماني
دا نصيبي و انا راضي بيه
راضي بحياتي مع ذكرياتي
يمكن اقدر علي جرحي و اداويه
*********القلب الحزين*******
بقلمي / عبيد رياض ( عبيد آل حريقه )