يوميات موظف سعيد جدا

قبضت راتب الهنا و نويت اداوي الجرح

و نزلت بيه السوق و قلت خلاص همسح

و هجيب مانجو و عنب و خوخ كتير و بلح

و يفيض معايا فلوس و انا رح بقا اتفسح

ما انا جيبي فيه راتبي وجنيه لاخيه ينطح

لكن يا خيبة يا ولاد فضى جيبي و اتمرجح

و نده علىّ الخوخ رديت بحزن افرح

يا عم جيبي فضى و خلاص قروشي بح

احسب شمال و يمين و الحسبة بقا مش صح

دا الفاكهة سعرها نار و اللحمة اف و اح

و حلفت مليون يمين ما انا شاري و هروح

هعيش انا و اسرتي يا اخوانا فوق السطح

و الفاكهة لاصحابها و اللحمة بقا تمرح

و نويت ما روح السوق حتى الظروف تسمح

كلمات و إلقاء الشاعر المصري /

محمد العراقي