******** مدمن*******
مدمن وفي الإدمان ضيعت حياتي
و نسيت معاه أهلي و ذاتي
م الإدمان بعت كل حاجاتي
و رجعت أفتكر أصل حكاياتي
نبدأ حكايه مع كوكو الضعيف
نوع من الإدمان بس علي خفيف
بدأت معايا كدا من كام صيف
أصلي انا ما كونتش كييف
قصة و بدأها أصحاب السوء
قصة و من يومها مش عارف افوق
روق يا صاحبي يا خفه يا زوق
ولع خلي الكلام يحلي و يروق
و الله يا صاحبي انا من الإدمان
وصلت لحالة صعبه من التوهان
و شربت الحشيش و البانجو كمان
و الخمره منها أشكال و ألوان
بودره و مكس اقول ماشي
و دماغي من الكييف ما سبتاشي
و الخطوه و الله ما راسياشي
و فلوسي رايحه ما جياشي
شميت كوله و ضربت ماكس
و الدنيا ماشيه معايا بالعكس
من مصر مره و روحنا اليكس
مشوارنا كله ده كان بالتاكس
نسيت أقولك علي الأفيون
و السنه منه تجيب لي جنون
انسي ساعتها مين انا أكون
و امشي علي سور البلكون
لفيت حشيش لفيت و شربت
و البانجو ياما رحت وجبت
غرقانه و مقلوبه و كوبايه شربت
كل الطرق بالوحده ما سبت
سيبك يا صاحبي من كل دول
لقيتني داخل علي الترامادول
حبه منه تعيشك مسطول
و عليك صحه تمام زي العجول
بعد دا كله وصلنا لفين
وصلنا كمان شم الهيروين
الشمه معاها بعيش لي يومين
بعدها أرجع اسئل أنا فين
مع الإدمان ضاعت حياتي
نسيت كمان حتى اخواتي
و نسيت ولادي و بناتي
نسيت و لا عارف ذاتي
لقيتني مره مع الأيام
فكرت و قولت دا كله حرام
عايش حياتي علي البرشام
في دنيا تانيه مع الأوهام
في لحظه واحده أنا قررت
أبطل الإدمان لو حتى تعبت
مصحه للإدمان أنا رحت
شهرين تلاته لقيتني فوقت
و من المصحه يا صاحبي خرجت
و من ساعتها أنا أتغيرت
و لصحتي يا صاحبي كسبت
درس يا صاحبي و منه أتعلمت
إياك يا صاحبي و صاحب السؤء
و إياك تولع لأجل الدنيا تروق
صاحب يا صاحبي الراجل الزوق
ولا تسمع كلام لأي مخلوق
*********مدمن**********
بقلمي / عبيد رياض ( عبيد آل حريقه )
