قصيدة : نفسي أكون . . . .
يا دنيا والأيام :
ساقية و دوار البشر فيكي ...
لا يوم هاالوم مين لام ،
ولا هااقبل عتاب ليكي ...
أنا إللي مش بيكي ،
ولا بإديكي مكتوبي ...
وأنا إللي مش هاارمي عليكي اللوم :
و أرميكي بعيوبي ...
وألبس عباية شيخ :
و أقول دا كان توبي !!...
نفسي أكون عكاز لكل ضعيف و محتاجلي ...
و أكون للظلم سيف باتر بيوجعلي ...
و كلمة حق لو يخرس لسان طالبه ويسمعلي !!...
و أكون للضلمة في بلادي شعاع النور ...
و أكون فارس لأرض الخوف يكون منصور ...
و أكون إنسان بسيط عادي يعيش مستور ...
و أفك طلاسم الحيرة بكل يقين ...
و أساعد كل من يبني و لو بالطين ...
و نبني و لو نبني كل يوم حجرين ...
و نرفع قمة المبنى يكون توحيد ...
يكون للتوهة في الضلمة منار عالي لحد بعيد ...
و ترجع فرحة الوحدة لكل وحيد ...
و أنام و أنا قلبي متطمن ومش خايف ::
و أحلم و لو ثانية بحلم سعيد ... ...
شعر / هانى ابو جازيه