الشاعر احمد ابراهيم
و مش مكتوب
=============
بقلم الشاعر المصري/احمد ابراهيم
=====================
بحبك بس مش مكتوب
اعيش الحلم مش كامل
مكنشى ليكى يوم محبوب
واكون بيكى امل عابر
تعيشى ذكرى مكتوبه
وانا عايش فى ذكراكى
وانا صابر
بحبك بحبك بحبك
بس مش قادر
يكون الحلم فى وجودك
امل ممدود
اكون واقف هنا قصدك
اكون موجود
انا حلمك لكن حلمك
ده باب مردود
ليوم ليكى هكون فيكى
ولا فيا تعيشى وجود
خيال طيفك وروحك فيا
بتقابل هنا روحى
وبحضن فيكى احلامى
وبيكى عايشه دى جروحى
فراق فى فراق وانا صابر
على بعدك لكن ميت
على عودى
لكن شوقى هنا موجود بيتكلم
وبيدند وليكى بالحنين مفرود
بحبك يا ربيع ماشى ومتغرب ومتفرّت
على غربة طريق مسدود
بحبك بس مش مكتوب
وسمحيني على الفرقه
انا زيك ولا برضى
اعيش فى الغربه واتألم
بتصرخ روحى تتكلم
تروح ليكى وبتسلم
بتحضن فيكى احلامى
وانا ف بعدك سنين عايش وبتألم
على غربة امل ضايع
وانا بعدك انا ضايع
===============
بقلم الشاعر المصرى/احمد ابراهيم
