جارى التحميل
استخدم زر ESC أو رجوع للعودة
متشعلقة فى الروح
وهى روحى فى بعدها
بشتاق اليها ولعنيها
حد يقولى أزيها
ومين يطمنى عليها
أو ياخدنى لدربها
ابنى قصورى جنبها
وأزرع حنانى فى ضلها
وأقطف زهور من على الخدود
وأملا الكاسات من نهرها
واسكر وألف فى البلاد
أقول يا ناس ماكرهتها
شوفوا ليالى من عذاب
وجراح فى قلبى عشتها
خلونى تاية فى الدروب
وراجع يدوب للأقول لها
هى المحبة والحنان
عايش وقلبى بحبها
وأن البعاد مخلنيش
أقدر أعيش بلا قلبها
ولما تطفى الشموس
نورى هى فى ليالى هجرها
تلقى البحور دايما تفور
والموج ياخدنى لشطها
تلقى العذاب من غير عتاب
والنار فى قلبى لصمتها
أرجع وأحايل الزمن
ينده عليها يضمها
لقلب يتمنى وصالها
دقاته بتنده اسمها
متشعلقة فى الروح يا قلبى
وهى روحى يا بختها
بشتاق اليها ولعنيها
نفسى تاخدنى فى ضيها
واقعد واقول وأنا
بين أيديها أزيها
ألقى ابتسامة على الشفايف
راجعة تانى لعشها
وننسى الليالى والجراح
حتى اللى راح ما يهمها
ونزرع بحب بستان حنان
زهوره تطرح فرحها
إلغا