الشاعر احمد ابراهيم
دمعة فراق
=======
بقلم الشاعر المصري/احمد ابراهيم
=====================
كان لازم امشى وودعك دمعة فراق
ابعد بعيد عن دنيتك ابعد هناك
عند الالم اعيش وتسكنى الاهات
ابكى وتبكى معايا اجمل ذكريات
تنزل دموعى بحور على عمرى اللى فات
مشيت وانا مهزومه فيا امنيات
والقلب مات من بعدك انتى والله مات
حببتى ده هو القدر بين الدروب بوداع عيونا
بشوق ولهفه من سكات
لما الكلام جوانا مات
لما النصيب مرضيش يبات
هاجر وسايب الف جرح م الاهات
حببتى يا اجمل قمر
غاب القمر وضؤه فات
عدى وساب ليل الاهات
مكتوب لنا مكتوب اعيش
من غيرك انتى بالبكى
وتعيش هنا دمعة فراق
وبتجرى على ليلى الطويل
واتحولت لبحور عذاب
لما الغياب
مكتوب قدر ويكون مابنا
الف باب متفرقين
وف عينا انهار م الدموع
مغرقين حلم السنين
ونعيش انا وانتى مجروحين
وفينا يتهد الحنين
انا وانتى فين
اه حببتى اه حببتى متفرقين متفرقين
من غير كلام مات الكلام
و ابتدى يصحى السكات
متألمه فينا القلوب
وشريط معدي بذكريات
كل اللى فات
من شوق ولهفه وبشتياق
لكن قدر مكتوب علينا بالفراق
عنوانه كان دمعة فراق
==================
بقلم الشاعر المصري/احمد ابراهيم
